१. आज मिति २०८१ ज्येष्ठ २८ गते माननीय रक्षा मन्त्री श्री हरि प्रसाद उप्रेतीले गौचरस्थित सैनिक हवाई सेवा अन्तर्गत मध्य एयर वेश, विशिष्ट उडान सेवा तथा हवाई प्राविधिक सेवाको निरीक्षण भ्रमण गर्नुभएको छ । उहाँलाई मध्य एयर वेशमा प्रधान सेनापति महारथी श्री प्रभुराम शर्माले स्वागत गर्नुभएको थियो ।
२. माननीय रक्षा मन्त्रीलाई सैनिक हवाई सेवा प्रमुख, पाइलट उपरथी श्री आशिष नरसिंह राणाले सैनिक हवाई सेवाको वस्तुस्थिति लगायत सैनिक हवाई सेवाका विविध गतिविधिबारे जानकारी गराउनु भएको थियो । सोही अवसरमा रक्षा मन्त्रीले मध्य एयर वेशमा रहेका सैनिक हवाई साधन तथा उपकरणहरूको अवलोकन गर्नु भएको थियो । त्यस अवसरमा रक्षा मन्त्री श्री उप्रेतीले सकलदर्जालाई सम्बोधन गर्नु भएको थियो । सम्बोधनका क्रममा उहाँले सैनिक हवाई सेवा लगायत अन्तरगतका युनिटहरूबाट विपद् उद्धार, विकास निर्माण लगायतका क्षेत्रहरूमा सम्पादन भएका कार्यहरूको प्रशंसा गर्दै आगामी दिनमा उच्च मनोबलका साथ कार्य गर्न निर्देशन दिनुभयो ।
३. कार्यक्रममा रक्षा सचिव श्री किरणराज शर्मा, नेपाली सेनाका रथीवृन्द, रक्षा मन्त्रालयका पदाधिकारीहरू लगायत सैनिक हवाई सेवाका सकलदर्जाको उपस्थिति थियो ।