१. मित्रराष्ट्र संयुक्त राज्य अमेरिकाको अमेरिकी सेना प्यासिफिकका Commanding General Robert B. Brown मिति २०७४ मंसिर २५ गतेदेखि ऐ. २८ गतेसम्म ४ (चार) दिने नेपालको औपचारिक भ्रमणको सिलसिलामा आज मिति २०७४ मंसिर २५ गते राती काठमाडौं आईपुग्नु हुने कार्यक्रम रहेको छ ।
२. General Robert B. Brown लाई उपरथी श्री ईश्वर हमालले त्रिभुवन अन्तर्राष्ट्रिय विमानस्थलमा स्वागत गर्नु हुनेछ ।
३. उहाँले भोलि मिति २०७४ मंसिर २६ गते टुंडिखेलस्थित सैनिक मञ्चमा रहेको वीर स्मारकमा माल्यार्पण गर्नु हुनेछ भने जङ्गी अड्डा परिसरमा नेपाली सेनाको एक टुकडीले उहाँको सम्मानमा सम्मान गारत अर्पण गर्ने कार्यक्रम रहेको छ । साथै उहाँले प्रधानसेनापति महारथी श्री राजेन्द्र क्षत्रीसँग जङ्गी अड्डामा भेटवार्ता गर्नु हुने कार्यक्रम रहेको छ ।
४. भ्रमणको दौरान उहाँले काठमाण्डौं उपत्यका भित्र रहेका केही महत्वपूर्ण पर्यटकीय स्थलहरुको समेत भ्रमण गर्नु हुने कार्यक्रम रहेको छ ।
५. उच्च तहको सैनिक नेतृत्व वर्गको यस किसिमको भ्रमणले नेपाली सेना र मित्रराष्ट्र अमेरिकाको सेनाबीच रहंदै आएको आपसी सौहार्दपूर्ण सम्बन्धको साथै द्विपक्षीय हित र पारस्परिक सम्बन्धलाई सुमधुर एवम् प्रगाढ बनाउन थप मद्धत पुग्ने विश्वास लिईएको छ ।