१. नेपाली सेनाको श्री सैनिक शारीरिक तालिम तथा खेलकुद केन्द्रको कर्भडहल, लगनखेलमा मिति २०७२ फागुन ०९ गतेदेखि जारी “प्रधान सेनापति प्रथम राष्ट्रिय पुरुष भलिबल प्रतियोगिता २०७२” अन्तरगत आज मिति २०७२ फागुन ११ गते नेपाल प्रहरी र पूर्वाञ्चल भलिबल टिमवीच भएको पहिलो खेलमा नेपाल प्रहरीले पूर्वाञ्चल टिमलाई २५-१४, २५-२० र २५-२० ले हराएको छ ।
२. त्यसैगरी, आजै मध्यमाञ्चल र सुदुरपश्चिमाञ्चल भलिबल टिमवीच भएकोे खेलमा मध्यमाञ्चलले सुदुरपश्चिमाञ्चललाई २५-१८, २५-२३ र २५-२३ ले हराएको छ । त्यस्तै, सशस्त्र प्रहरी बल र मध्यपश्चिमाञ्चल भलिबल टिमवीच भएको खेलमा सशस्त्र प्रहरी बलले मध्यपश्चिमाञ्चललाई २५-१२, २५-२० र २५-१८ ले हराएको छ भने त्रिभुवन आर्मी क्लबको “बि” टिम र पश्चिमाञ्चल भलिबल टिमवीच भएको खेलमा त्रिभुवन आर्मी क्लबको “बि” टिमले पश्चिमाञ्चललाई २५-१८, २५-१९ र २५-१२ ले हराएको छ ।
३. आजको खेलसंगै त्रिभुवन आर्मी क्लबको “ए” र “बि” टिम, सशस्त्र प्रहरी बल तथा नेपाल प्रहरीको भलिबल टिम “प्रधान सेनापति प्रथम राष्ट्रिय पुरुष भलिबल प्रतियोगिता २०७२” को सेमिफाईनलमा प्रवेश गर्न सफल भएका छन् ।