१. माननीय उपप्रधान तथा रक्षामन्त्री श्री भीम रावलद्वारा आज मिति २०७२ पौष १८ गते मकवानपुर जिल्लाको सुनाचुरीस्थित सुनाचुरी ईमल्सन प्लान्ट, हेटौडाको सुपारेटारस्थित मध्य पृतना हे.क्वा. तथा भिमफेदीस्थित बहुउद्देश्य प्लाष्टिक उद्योगको निरीक्षण भ्रमण गर्नु भएको छ ।
२. निरीक्षण भ्रमणको क्रममा रक्षामन्त्री श्री रावलले उक्त युनिटहरुको क्वाटरगार्डको निरीक्षण गर्नुभई वस्तुस्थितिको बारेमा जानकारी लिनु भएको थियो भने सैनिक सामाग्री उत्पादन निर्देशनालयका निर्देशक प्रा. सहायक रथी श्री अजित वरसिंह थापाले स्वागत मन्तव्य व्यक्त गर्नु भएको थियो ।
३. उक्त निरीक्षण भ्रमणमा माननीय उपप्रधान तथा रक्षामन्त्रीज्यूसंग प्रधान सेनापति महारथी श्री राजेन्द्र क्षत्री, रक्षा सचिव श्री जयमुकुन्द खनाल, उद्योग मन्त्रालयका सचिव श्री सूर्य प्रसाद सिलवाल नेपाली सेनाको रथीवृन्द तथा अधिकृतहरु सहभागी हुनु भएको थियो ।
४. माननीय उपप्रधान तथा रक्षामन्त्री निरीक्षण भ्रमण कार्यक्रम पश्चात आजै काठमाण्डौं फिर्ता हुनु भएको छ ।