1. ‘सुदूर पश्चिम पृतना कमाण्डर्स कन्फरेन्स २०७३’
    यहि फाल्गुन ०५ र ०६ गते सुदूर पश्चिम पृतना हे.क्वा.मा संचालन भएको ‘पृतना कमाण्डर्स कन्फरेन्स २०७३’ सम्पन्न भएको छ । उक्त कार्यक्रममा पृतनापति उपरथी श्री दिपक प्रसाद भारती बाट कन्फरेन्सको शुभारम्भ तथा स्वागत मन्तव्य पश्चात अन्तर्गतका युनिटपतिहरुले आ–आफ्नो जिम्मेवारी क्षेत्रको वस्तुस्थिति तथा समाजिक स्थितिको बारेमा प्रस्तुतीकरण गर्नुभएको थियो । यसैगरी सम्बन्धित युनिट पतिहरुले एजेण्डा अनुसार आ–आफ्नो युनिटको बन्दोबस्ती, तालिम र अप्रेसन पक्षको जानकारी एवम् जनहित गतिविधि लगायत विविध विषयको बारेमा प्रस्तुतिकरण गर्नुभई युनिटमा भएका व्यवहारिक कठिनाई तथा सुधारका बारेमा छलफल गर्नुका साथै सो सम्बन्धी आवश्यक निर्देशनको लागि पृतनापति ज्यु समक्ष राय प्रस्तुत गर्नुभएको थियो । कार्यक्रमको अन्तमा पृतनापति उपरथी श्री भारतीले विभिन्न शीर्षकमा उठेका समस्याबारे सम्बन्धित पतिहरुसंग छलफल गरी समाधानका लागि आवश्यक निर्देशन दिनुभई कन्फरेन्सको समापन गर्नुभएको थियो । उक्त कार्यक्रममा पृतनापति ज्यु लगायत अन्तर्गतका बाहिनीपति, गणपति, गुल्मपति लगायत पृतना तथा बाहिनीका स्टाफ अधिकृतहरु समेत सम्मिलित रहनुभएको थियो ।

  2. भलिबल प्रतियोगितामा दुर्गादल गुल्म विजयी
    दार्चुला जिल्ला अपि नगरपािलका ११ खलंगाको खुल्लामञ्चमा यहि पौष २३ गतेबाट संचालन भएको भलिबल खेल प्रतियोगितामा दुर्गादल गुल्मको टिम प्रथम भएको छ । उक्त प्रतियोगितामा प्रथम भएको दुर्गादल गुल्मको सहभागी टिमलाई नगद रु. ५१,०००। (एकाउन्न हजार), प्रमाणपत्र, मेडल र उत्कृष्ट खेलाडी २ जनालाई ट्रफि प्रदान गरिएको थियो । सो प्रतियोगितामा नेपाल प्रहरी लगायत विभिन्न गा.वि.स.को भलिबल टिम बीच प्रतिस्पर्धा भएको थियो ।

  3. अभ्यास “गढी रक्षा” समापन
    श्री सुदूर पश्चिम पृतना हे.क्वा.मा यही पौष १० गतेबाट ऐ. १४ गते सम्म संचालन भएको पहिलो चरण command post exercise - CPX “गढी रक्षा” अभ्यासको यस पृतना हे.क्वा.का पृतनापति उपरथी श्री दिपक प्रसाद भारतीले एक कार्यक्रमका बिच यही पौष १५ गते समापन गर्नुभएको छ । वास्तविकतामा आधारित गुणात्मक तालिममा जोड दिई भएको सो अभ्यासमा सहभागी कमाण्डर तथा स्टाफ अधिकृतहरुको पेशागत ज्ञान माझ्ने, पुनर्ताजगी गर्ने र व्यवहारिक दक्षता अभिवृद्घि गर्ने तर्फ लक्षित रहेको थियो । उक्त अभ्यासको बिभागिय अधिकृतहरुबाट डिब्रिफिङ्ग गरि सो पश्चात यस पृतना हे.क्वा.का पृतनापति उपरथी श्री भारतीले उक्त अभ्यासको समापन गर्नु भएको थियो । साथै यहि पौष १० गतेबाट ऐ. १४ गते सम्म संचालन भएको पहिलो चरण CPX “गढी रक्षा” अभ्यासको यस पृतना अन्तर्गतका बाहिनीहरुमा पनि संचालन भई सम्बन्धीत बाहिनीपतिहरुले नै यहि पौष १५ गते समापन गर्नु भएको थियो ।